This is just a preliminary.

Bakit karamihan sa mga Pinoy na nakaranas lamang makatuntong sa Amerika akala mo sila na ang pinaka-maswerte at pinaka-edukadong tao sa Pilipinas? Akala ba nila porke nakatapak sila sa balwarte ni Bush "superyor" na sila sa atin? Pwes, kung bumalik sila sito upang ipamukha na mas nakatataas sila dahil nakaranas na sila ng snow, eh, bumalik na lang sila sa pag-t-tnt nila doon.

May nabasa akong isang artikulo sa The Philippines Star, sa Lifestyle section yata iyon kung hindi ako nagkakamali, isang babae ang nagsulat nito. Sa mga oras na ito hindi ko matandaan ang pangalan ng babaeng ito (dahil hindi naman siya talaga ganun ka-importante) pero ang mga sinulat niya sa artikulong ito ay ang siyang nakapagpa-init ng dugo ko. Ang titulo ng kanyang artikulo ay "The Annoying Practices of the Third World Country". Marami siyang sinabo dito na mga "negatibong" kaugalian daw nating mga pilipino dahilan sa ating pagiging "Third World Country". Hindi ko muna siya sasagutin ngayon. Ngunit ipinapangako kong sa susunod kong paglathala ay mababasa ninyo ang artikulong sinulat niya at ang aking sagot dito bilang Pinoy. Hindi ko matatanggap na dahil lang sa nakarating lang siya ng Amerika, malakas na ang loob niya na magsalita ng hindi maganda sa ating kaugalian. At dahil po sa sobrang inis ko ay napag-desisyunan kong tawagin siyang (sa ngayon, depende kung may maisip pa akong mas maganda. pwede din kayong mag-suggest) BUBULI.

Naalala ko nga pala ang pangalan ng column niya. Nakapagtatakang angkop na angkop ito sa intellectual capacity ni BUBULI, "Chuvaness".

P.S.
Hindi naman po halatang inis na inis ako, ano ho?